Mahal na Ina

Ito ang aking Alay sa Aking Ina para sa Araw ng mga Ina noong taong 2007. Mababasa ito dito sa kabilang blag ko. Isasalin ko na lang sa ating wika, pagpasensiyahan nyo na. Pagod kasi ako, dahil sa pangyayaring ito na ako ay nainis at nasaktan.

~o0o~

Ang aking ina ay walang katulad. Siya ay mapagmahal ngunit istrikto. Siya ay mahinahon ngunit malakas. Siya ay maasikaso ngunit gusto niya kami matuto para sa aming sarili. Mabait siya sa mga nangangailangan ng tulong ngunit hindi niya papayagang maging pabigat ang mga taong tinutulungan niya. Madali siya umiyak ngunit meron siyang pusong matigas. Meron siyang pananampalataya na makakapagpagalaw sa mga bundok pero siya ay naniniwala na tinutulungan ng Diyos ang mga marunong tumulong sa kanilang sarili. Lagi siya kumukilos, mabilis. Kahit meron siyang mga sakit sa katawan, hindi siya tumitigil sa pagkilos upang mapabuti ang kalagayan ng mga bagay-bagay.

My mother, my Mama is one of a kind. She is loving yet strict. She is gentle yet strong. She is nurturing yet she wants us to be independent. She is kind to those who need help but would not tolerate dependency. She cries easily yet she has a heart of steel resolve. She has faith that can move mountains but she believes that God helps those who help themselves. She is always up and about, moving fast and agile. Yet even if she has her aches and pains, she almost never stops working to make things better.

Mahal na mahal ko ang aking ina. Sila ng aking ama ay nagsakripisyo para sa akin at sa aking nakababatang kapatid na lalaki, pati din sa aking mga anak. Salat man siya sa karangyaang nabibili ng salapi, para sa akin, higit siya sa lahat ng makamundong kayamanan. Sa kanya akoay tuminingala. Sa kanya ay iniaalay ko ang aking walang hanggang pagmamahal. Sa kanya ibinibigay ko ang aking respeto.

I love my mother very much. She and my father sacrificed a lot for me and my brother, and did a lot for my children as well. She may not have a lot of money in her pocket but she is worth more than all the worldly treasures in this world. To her I look up to. To her I give my endless love. To her I offer my respect.

Meron akong larawan na puwedeng ihalintulad sa aking ina na nagpapakita na siya ay kahanga-hanga, higit na mas malaki sa mga langgam, este, higit pa sa amin ng aking kapatid. Maligayang Araw ng mga Ina, Mama! Mahal na mahal ka namin.

I have a wonderful photo that represents my mother and how her greatness is bigger than the ants me and my brother. Happy Mother’s Day Mama! We love you very much.