GreenBucks » Litratong Pinoy

Kung Likas na Masipag

greenbucks — Wed, 10 Mar 2010 14:21:17 +0000

Kung tayo ay maging likas na masipag lamang, madali lang naman magpatubo ng mga halamang mapagkukunan ng pagkain.

Katulad nitong aking tanim na ampalaya:

Madali lang naman pala makapagpatubo, di na kelangan ng mga cheche-bureche, basta me kapiranggot na lupa at gagapangan, tsaka konting dilig, ayos na.

Yun nga lang, di ko maintindihan bakit nahinog agad ang mga iyan, naging orange

Siguro dapat di ko na pinatagal at nagharvest agad ako. Ang naging problema ko lang dito, gumapang ng mataas at hindi na maabot.

Nagsimula na naman kong muli magtanim. Wala pa ulit ampalaya, mukhang kelangan ko ng “cage” para dun at nang hindi ito ulit gumapang ng napakataas sa bakod namin

Mahusay Nga Ba ang Pinoy?

greenbucks — Wed, 24 Feb 2010 14:44:24 +0000

Ang Pinoy ay mahusay, walang kaduda-duda dun.

Heto nga o, bag na gawa sa newspaper. Ganda no? Panalo ang bonggang Vigan street scene na painting. Isa lamang iyan sa napakaraming angking kahusayan ng mga Pilipino.

Sa isang banda, mahusay din ang Pinoy sa mga kalokohan.

San ka pa, kapwa Pilipino lolokohin, o kaya mga kasambahay binubugbog, ang ibang magagandang lugar ay sinusulatan ng kung anu-ano o kaya dinudumihan.

Sabagay, sa bilis ng pagdami natin, talagang hindi mapipigilan ang pagsulpot ng mga pasaway, na bata pa lang eh kita mo na na parang tila ba walang patutunguhan ang buhay. Madalas, ibang tao ang tutulong sa kanila at hindi ang pamilya nila.

Kulang na nga lang ibenta ang bansa natin sa mga Koreanong banyagang nagsusulputan na parang kabute sa dami at parang paputok sa ingay.

Ikaw, proud ka ba na maging Pinoy?

Makukulay na Balabal

greenbucks — Wed, 10 Feb 2010 14:00:20 +0000

Ang unang pumasok sa isip ko sa salitang “IYO” ay ang vocal exercises namin nung araw na “i-i-i-yo-ho-ho-ho, ho-ho-ho-ho-ho”. Hindi parang tawa ni Santa yan kungdi pataas na tono tapos pabababa yung pangalawang set ng ho, ho, ho

Anyway, baka kung san pa mapunta ang usapan, ang aking post ay tungkol sa katanungan “Ano ang IYOng paboritong kulay?”

Sa aking pagtawid sa Landmark sa TriNoma kapag ako ay umuuwi mula sa aking 2x/week na “work” minsan ay nakatuwaan kong kuhanan ng larawan ang mga balabal na ito.

Medyo hindi nga lang yata maganda ang pagkakakuha ko kasi nagmamadali ang mga kasama kong mga anak ko (di ko tuloy na-adjust ang aperture at ISO, joke lang…)

Gusto ko diyan yung mga (mga talaga eh no?) blue, shade of aqua at lilac.

Ikaw?

Drawing ni Bunso

greenbucks — Wed, 03 Feb 2010 22:33:25 +0000

Hayaan nyo na aking ipakita,

larawang iginuhit isang Linggo ng umaga.

Ako’y nagulat at namangha,

aba ano ito, at mukhang napakaganda!

Marunong yata ang batang paslit,

ang kanyang kamay para sa pagguhit.

Ama at ina tunay na masaya,

at ang bata naman malaki ang tuwa.

Si Bunso ay nag-7yo nung Disyembre.

Backyard Gardening Ulit

greenbucks — Wed, 27 Jan 2010 14:32:27 +0000

Balak ko simulan muli ang aking nasirang backyard garden.

Bakit ika nyo? kasi naghihinayang ako bumili ng tanglad (lemongrass) tuwing magluluto kami ng tinola at tahong na may sabaw. Pati na ring tuwing iinum kami ng pinakuluang tubig na may dahon nito, tipong tsaa, lalagyan na lang ng honey at mint leaves (may tanim din ako nito pero namatay din) para manamis-namis.

Ang basil na mabango ihalo sa ulam at masarap din sa pasta, wala na.

Miss ko na din ang aking mga okra at ampalaya.

Kelan kaya magkakatotoo ang balak ko na ito? Sana malapit na, kahit na tagtuyo pa naman o El Nino ang darating na summer.