Ang cake ni Bunso sa kanyang ika-8 kaarawan.
Masaya siya, masaya kami pero parang may kurot sa aking puso dahil lumalaki na ang mga bata, hindi na sila baby. Ibig sabihin din nun, tumatanda na ako 😛
Pero sa kabila ng mga agam-agam tungkol sa edad at sa kung ano ang naghihintay aming lahat sa hinaharap, masaya pa din kaming mag-asawa dahil nabiyayaan kami ng mga anak na malulusog (pwera lang kapag ang anak na lalaki ay may hika, LOL) at mapagmahal.
Hindi kami naghahanda ng bongga tuwing kaarawan, kahit nung nag ika-pitong taon sila. Ayaw nila kasi, gusto nila, sisimba kami tapos kakain lang sa labas.
