Ang saya (kahit hindi ako nakababa diyan dahil ako ay may sprained ankle) ng mga bata nung kami ay huminto sa tabi ng daan upang sila ay makaranas ng paglalakad sa tubig ng ilog!
Kaya lang… Read more
Category Archives: Litratong Pinoy
Makapal na Usok Mula sa Kaingin
Posted in Environment, family, Interesting Topics, Litratong Pinoy, Philippines, Photos, Travel
Tagged family, family bonding, Litratong Pinoy, nature photos, Philippines, Photos, Travel, Zambales
Pasasalamat
Pasasalamat. Salamat.
Ako ay isa sa mga taong nahubog na may pananampalataya sa Panginoong Diyos.
Dahil sa magkahalong impluwesiya ng simbahang Katolika sa aking paaralan at paniniwalang Protestante sa aking pamilya at kinalakihang simbahan, naintindihan ko kung paano hindi magiging sabagal ang relihiyon sa pamumuhay at pagtugon sa mga tungkulin bilang isang Kristiyano at bilang isang responsableng mamamayan.
Isa lang iyan sa aking pinag-uukulan ng pasasalamat.
Ang pamilya, ang kalayaang mangarap at magkaroon ng pagkakataon upang matupad ang mga iyon , at mga pagkakataong pag-isipan ang kalagayan ng iba sa pamamagitan ng malayang pagsusulat, iyan ay ilan lamang sa listahan ng mga dapat kong ipagpasalamat.
Ang pasasalamat ay hindi lamang kumakatawan sa katagang nagsasabi ng pagtanggap at pagkilala sa mga bagay-bagay na nagawa hindi lang para sa ikabubuti ng sarili ngunit para din sa kapakanan ng marami.
Sa iyo na nagbabasa nito, isang taos-pusong pasasalamat ang aking ibinibigay ng may ngiti. Nawa ay maging maligaya at puno ng pagpapala ang darating na taon para sa iyo at iyong pamilya.
Paskong Pinoy
Winter Cafe, sa loob nga lang ng mall.
Ang snow? Peke.
Ang Winter Inn? Hindi pwede pasukin.
Ganyan talaga ang mga Pinoy, mahilig sa scenery na hango sa ibang bansa: snow, Santa, pine trees, sled at kung anu-ano pa. Understandable naman dahil wala ang mga ito dito.
Pero sa isang banda, hindi naman masama ang ating parol, Misa de gallo, puto bumbong at Panunuluyan.
Paulit-ulit nating naririnig at nakikita, masaya talaga ang Paskong Pinoy dahil pagpatak ng -ber months, umpisa na ng paghahanda para sa araw ng Pasko.
Katulad ng mga nagdaang taon, ang obserbasyon ay pahirap ng pahirap ang buhay at iyon ay narireflect sa pagdiriwang ng Pasko: mas konting pailaw, konting regalo, konting handa, konting “bago” na gamit at maabilidad na pagtitipid.
Pero kung tutuusin, secondary naman lahat ito, hindi ba? Dapat ang pokus natin ay ang kapanganakan ni Hesus na ating tagapagligtas.
Sabi nga ng isang kanta ng APO, “Kahit na anong mangyari, ang pag-ibig sana’y maghari, sapat nang si Hesus ang kasama mo, tuloy na tuloy pa rin ang Pasko”
Posted in family, Litratong Pinoy, Philippines, Photos, Thought Bubbles, Urban Living
Tagged Christmas, family, Litratong Pinoy, Philippines
Remote Control Car
Hiling. Wish. Isinulat niya noong isang linggo: “I wish my father will give me a remote control car this Christmas.” Isinulat yan ni Kuya, ang aming unico hijo na mag-first Communion bukas, December 11,2009.
Bihira siyang humiling. Bihira silang humiling. Marahil nasanay sila na hindi humihingi kung hindi naman kailangan talaga.
Ang mga anak ko, kapag pupunta kami sa mall upang may bilhing kailangang gamit o kaya upang kumain, uuwi na walang bitbit na toy, kuntento na sa pahawak-hawak, patingin-tingin.
Alam ko gusto nila, mga bata kasi. Kaya lang kapag sasanayin na lang ibibigay palagi ang hiling, baka hindi maganda ang resulta sakaling hindi na maibigay ang hiling nila.
Sana ganun din ang iba.
Noong pagpasok ng taong ito, mayroon kaming wish candles. Naging isang humbling experience sa aming mag-asawa ang hiling ng aming anak na lalaki. Sa mga kandilang sumimbolo ng iba’t ibang kahilingan, siya ay humiling ng color blue kasi daw:
Posted in family, Litratong Pinoy, Photos, Thought Bubbles
Tagged family, Litratong Pinoy, Photos
Pasko Na!
Muling nagbabalik ang Litratong Pinoy.
Tamang-tama ang pagbabalik na ito, kasabay sa hudyat na tema ng pagpasok ng buwan ng Pasko. Alam naman natin na dito sa Pilipinas, napaka-espesyal ng Pasko.
Narito ang isang hudyat sa aming tahanan na wala nang makapipigil pa sa pagdating ng Pasko:
Isang simpleng paper tree, gawa ng mga anak ko noong isang taon. Isa yan sa mga ginawa nilang tree ornaments.
Nawa ay maging maayos ang pagdating ng Pasko sa ating tahanan at puso. Tandaan, si Hesus ang dahilan kaya tayo meron nito.
Happy LP!
Posted in family, Interesting Topics, Litratong Pinoy, Philippines, Photos
Tagged Christmas, Christmas spirit, family, family bonding, Frugal Christmas, lifestyle, Litratong Pinoy, photography, Photos
