Tahimik na pamumuhay,
aking inaasam.
Walang kaguluhan, gutom at giyera,
nguni’t sa mga pangyayari, imposible nga ba?
Doon sa kakahuyan, tahimik at payapa
sa umaga maririnig ang huni ang ibon,
sa araw naglalaro ang mga paru-paro,
at sa gabi naman, mahimbing ang tulog.
Gugustuhin ko ba ang ganitong buhay?
Bakit hindi, kung ako ay magiging masaya
Walang maingay, mabaho at magulo,
basta kasama ang pamilya at
may internet ako.
Bow.
Larawan ay kuha ni Lucky Charms, ang aking panganay na anak.
Posted in family, Litratong Pinoy, Me, Philippines, Photos, Visualizations, web tools
Tagged Litratong Pinoy, Pilipinas, tahimik, UP Diliman
Heto na ang Mindanao Avenue, isang pampublikong daan, papuntang NLEX. Bagong bukas lang yang daan nung kuhanan ng larawan na yan. Dito dumadaan ang mga sasakyan palabas ng Quezon City papuntang NLEX. Nai-blag ko na din ito sa Litratong Pinoy habang ginagawa at nung halos kumpleto na.
Maluwag at maaliwalas ang daang ito pero may ibang problema. Kapag gabi, hindi ito maluwag dahil yung mga papunta sa bayan ng Novaliches sa bandang kanan at taas nito, sinasakop ang mga lane na dadaan sa ilalim kaya ma-traffic tuloy.Mula nang ito ay mabuksan, naging ma-traffic na sa amin, isama na rin na naging mas polluted ang hangin.
Alam nyo ba, ilang araw pagkatapos ito buksas, merong mga nagvandal sa mapuputi nitong “walls” ng itim na spray paint. Nakakapanlumo kasi ang ganda na sana pero merong mga mapangit na loob na sinisira ang mga proyektong galing sa kaban ng bayan at para sa publiko.
Buti na lang pininturahan agad kaya natakpan. Sana di na maulit ito gawin.
Heto, mga maninipis na petal (ano ba ang Tagalog nito?) ng bulaklak na kulay pink. Me bonus pa na mga itlog ng butterfly.
Ganda no (hindi ng picture ha pero ng wonder of nature)? Nakaswerte ako diyan. Matagal na larawan na iyan (2006), nakita ko lang sa files kasi manipis na ang available space ng aking hard drive kaya ako naglilipat ng files.
Nagamit ko na dati ang picture na ito sa aking teacher blog pero sige lang, ginamit ko pa din 🙂
Magandang araw ng Huwebes sa aking mga kaibigan sa LP 🙂
Posted in Interesting Topics, Litratong Pinoy, Me, Philippines, Photos
Tagged butterfly eggs, garden, Litratong Pinoy, Litratong Pinoy Weekly Challenge, manipis, nature, pink, pink flower
Meron na akong larawan para sa MAKAPAL ngunit dahil sa mga kaganapan kagabi gawa ng isang scraper ng teksto at larawan ng mga food bloggers, uulitin ko ang larawan na isang screencap na ginawa ko kagabi.
Makapal siya kasi nangne-nenok siya ng gawa ng iba. Tulad ng larawan ng pagkain ng yan, di niya yan niluto, nandito yun oh.
What a sham. What a shame.
UPDATE! nawala na ang kusinero blag ni kumag pero napakadami pala niyang Facebook fan page na puro ninenok din niya ang laman. the nerve talaga.
Posted in blogging101, File and data management, For Information, Interesting Topics, Litratong Pinoy, Social Media, web tools
Tagged plagiarism, plagiarist, poser, scraper
Ang Ondoy ay isa sa dalawang bagyo na rumagasa, kumitil sa buhay ng marami at sumira ng mga ari-arian ng ating mga kababayan noong isang taon.
Apektado din kami sa aming lugar lalo na ang aming mga kapitbahay. Masasabing “swerte” kami dahil hindi kami pinasok ng tubig baha pero hindi pa din ito garantiya na sa mga susunod pang Ondoy at Pepeng ay ganito pa din ang sitwasyon namin.
Maraming aral na natutunan agkatapos ng napakalaking unos na ito. Sinasabi nga na ang mga ito ay tila bagang malaking dagok, malaking pagsubok na hindi lamang ang mga naapektuhan ang mga nagmuni-muni ng kahulugan ng buhay bagkus lahat ng tao na naging saksi kung gaano kalaki ang pinsalang tinamo ng ating mga kababayan.
Sana wala nang katulad nito na mangyari muli. Dahil ito ay mula sa kalikasan, dalangin ko na sana nakahanda ang mga dapat maghanda upang hindi na kasing laki at kasing dami ng nasirang buhay ang magiging sanhi.
Posted in Environment, Interesting Topics, Litratong Pinoy, Philippines, Photos, Thought Bubbles, Urban Living
Tagged bagyo, baha, dalawa, Litratong Pinoy, Ondoy, Pilipinas
