Category Archives: Photos

Cupcakes Para sa mga Kaklase

Posted on July 14, 2010 by greenbucks| 2 Comments

Malaki ang aking dismaya sa Maynilad (na naman!) dahil noong Linggo pa kami walang tubig. Hay naku (insert roll eyes emoticon here) talaga naman.

Anyway, ayaw ko muna isipin yan ngayon dahil mas mayroon pang mga nasa kondisyong hindi maayos kaysa sa amin kaya hindi ko na lang itutuloy ang aking rant.

Heto ang ilan sa mga cupcakes na binake ko kahapon.

cupcakes

Ang aking unico hijo ang nagpakita ng pagka-dismaya dahil birthday namin ngayon at dapat dadalhin niya ang mga cupcakes na yan sa school para sa mga classmates niya. 30+ ang aking binake para sa klase niyang 22 na bata.

Bukas wala din sila pasok dahil kelangan pang gawin ang poste ng kuryenteng natumba malapit sa paaralan nila kaya wala pa silang kuryente bukas. Ibig sabihin hindi pa din tuloy ang kanyang mini-party.

Mabuti na lang at may kuryente na kami kaya inilagay na lang namin muna sa refrigerator para hindi mapanis kundi baka mapurga kami sa cupcake, hahaha.

Dismayado man siya at pati na din ako, isang pagpapasalamat pa din ang aming panalangin dahil sa kabila ng mga pagsubok sa buhay, nanatili kaming magkakasama, nagmamahalan at nagtutulungan.

Posted in family, Interesting Topics, Litratong Pinoy, Photos, Thought Bubbles

Lamp Post Sunset

Posted on July 13, 2010 by greenbucks| Leave a comment

lamp post

Posted in Environment, Philippines, Photos, Wordless Wednesday

Tagged , , ,

Nagmo-Motorsiklo Ka Ba?

Posted on July 7, 2010 by greenbucks| 4 Comments

Ang disiplina o ang kawalan nito.

quirino highway

Isang pamilyang nakasakay sa motor sa matrapik na Quirino Highway. Dalawang bata lang naman sa sa pagitan ng dalawang matanda. Bakit di pa kaya ginawang tatlo o kaya apat at nang mukhang habal-habal na sila? Bonding nga ito pero naman…

elbow helmet

Helmet. Para sa siko ng ating bidang nagmo-motor na may backride (na may dalang banderang pang-kampanya). Oo nga naman, baka magasgas ang siko kung sakali may mangyari. Tsaka sa EDSA lang naman ito, sisiw lang ang biyahe.

Di man mabilis ang takbo, para sa akin, reckless driving pa din ito, kumontra man ang iba sa akin. Basta, nakakatakot ang ginagawa ng ibang nagmo-motor.

Ang disiplina o kawalan nito. Bow.

Posted in Interesting Topics, Litratong Pinoy, Motoring, Philippines, Photos, Travel, Urban Living

Tagged , , ,

Modernong Pagtuturo

Posted on June 30, 2010 by greenbucks| 3 Comments

Reading comprehension drills ang isa sa mga pinaka-importanteng objective ko sa aking pagtuturo. Hindi lang libro ang binabasa namin ng mga estudyante ko, pati mga print ads, newspaper articles at kung anu-ano (pang maisipan ko) pa. May mga pagkakataong gumagamit ako ng teknolohiya sa aking pagtuturo, tulad ng larawan sa ibaba:

reading comprehension

Ok ang teknolohiya sa pagtuturo, kung minsan nanonood kami ng short films sa YouTube tapos ina-analyze namin o kaya naman, naglalaro kami ng online games kasi interactive at talaga namang maraming matututunan ang mga bata.

Pero siyempre, iba din ang mayroong binubuklat na aklat di ba? O kaya kinukulayang larawan gamit ang krayons, hindi ang paintbrush na ginagalaw sa pamamagitan lang ng mouse.

Meron na din palang paraan para mahanap ang nawawalang latop o kaya naman para sa mga natatakot mawala ang mga laptop, pakibasa na lang dito.

Isa pang dapat malaman lalo na ng mga bata ay ang security pagdating sa teknolohiya pero siyempre, hindi ko na tatalakayin yun 🙂

Happy Huwebes at oo nga pala, Mabuhay ang ating bagong Pangulong NoyNoy! 🙂

Posted in File and data management, Interesting Topics, Litratong Pinoy, Me, Philippines, Photos

Tagged , ,

Balik Eskwela

Posted on June 23, 2010 by greenbucks| 4 Comments

Pagbabalik eskwela ang akmang tema ngayong Hunyo.

Narito si Bunso, not exactly nagbabalik eskwela dahil pers taym niya pumasok sa isang pisikal na paaralan pero sa konteksto ng balik-eskwela, ganun na din yun 😀

back to school

Aga namin no? Sarado pa mga classrooms, hehehe. Hindi dahil sa sobrang excitement yan kundi coding kasi kami kaya dapat maaga para hindi mapara ng mamang pulis. Tsaka ang travel time papunta sa paaralan at pauwi, nadagdagan sa sobrang sikip ng trapiko.

Maaga din ang dating ng mga anak ko sa paaralan, siguro 6:30 nandun na sila para sa 7:30 na pasok. First trip kasi sila kaya 5:30am, nandiyan na ang service. Kakapagod, pero mukhang enjoy naman sila kaya ayan, ang aga pa tulog na sila.

Posted in family, Interesting Topics, Litratong Pinoy, Philippines, Photos, Urban Living

Tagged , , , , , , , , , ,